72 аймахтағы Эгвекинот поселоксар кӧзібіскен. Че Миягашевтер сӧбірезі Хакасиязар полған на чайғызын килдең, олар Таштып паза Аңчул аалларда тынандаңнар. Аймир тӧреен чир-сууна тың хындаң. 2002–2013 чылларда Аймир Эгвекиноттағы ортымах школада ӱгренген. Ӱгредіг чылларында спортнаң ӧткін айғасхан, хоккей ойнирға паза кӱрезерге хындаң. Ідӧк ол «Штар» чаады-спорт клубынзар чӧрген, удаа «Зарница» чаады-спорт ойыннарында араласчаң. 2013 чылда Эгвекиноттағы ортымах школаны чахсы тоозыбысхан. Школа ӱгретчілері Аймирні ах сағыстығ, хадан даа сын ӱчӱн турысчатхан, махачы, нандырығлығ паза иптіг чиит кізі полған тіп сағысха кирчелер. ШколасоонаңАймирХызылчардағыСибирьдегі федеральнай университетсер ӱгренерге кіріп алған. Че ол кічігдең сығара чаады поларға, чуртазын армиянаң палғалыстырарға сағынған. Аннаңар, вузта ікі курс ӱгренібізіп, университеттең парыбызарға чаратхан. 2016 чылда чаады службазына хығыртылған. Новосибирсктегі чаады училищезінің разведка кафедразында пис айлығ тимненіс ирткен соонаң Ӱстӱнзархы чаады округынзар ызылған. 2016 чылның ноябрьынаң сығара 58-ді тиксі войсковой армияның (дислокация орны–Моздок город,Алтынзархы Осетия-Алания) 19-ды алында мотострелковай бригадазында служба апарған.
RkJQdWJsaXNoZXIy MTE4NDIw