Основная версия сайта
(к 85 летию со дня рождения)
В Хакасии Николая Гавриловича Ахпашева все знают, как корреспондента газеты «Хакас чирi» («Ленин чолы») и как отца Героя России Игоря Ахпашева. Николай Гаврилович отработал в газете более 30 лет, начинал корреспондентом, затем стал руководителем отдела — это спокойный и добрый человек. Его профессиональные заслуги отмечены множеством благодарственных писем, он награждён медалью ордена «За заслуги перед Отечеством» III степени, медалью «Ветеран труда», удостоен звания «Заслуженный работник культуры Республики Хакасия».
Николай Гаврилович родился 2 февраля 1938 года в Аскизском районе в селе Болганы (Палғаннар). Отец Гаврил Евграфович был ранен на войне и умер в 1942 году. Мать Екатерина Константиновна (девичья фамилия Кулемеева) ушла из жизни в 1998 году на 85 году жизни.
Брат Владимир Ильич Ахпашев трудился в Аскизском райисполкоме, затем был главой Аскизского района. Сестра Надежда работала врачом в селе Подсинее (Кöк хайа) Алтайского района. Младший брат Александр, хоть и на пенсии работает в музее Казановки.
Окончив семь классов, Николай поехал учиться в Абакан. Тогда после семи классов принимали в педучилище. Молодому парню, учившемуся на третьем курсе, пришла повестка в военкомат. Так, не доучившись, в 1957 году, ушёл в армию.
— Службу проходил в селе Чугуевка Приморского края, — рассказывает Николай Гаврилович. — Это было большое село. Там родился и вырос писатель Александр Фадеев, есть там его музей. Я был радистом 139 Уральской связи роты УКВ радиостанции 154 Порт-Артурской истребительской дивизии. В дивизии было три полка, два полка в Чугуевке, третий — в городе Арсеньев.
В 1960 году молодой парень вернулся из армии, продолжил учёбу на третьем курсе Абаканского педучилища. По окончании, молодого специалиста отправили работать в Верх-Аскизскую семилетнюю школу. Ему дали начальные классы. Но так как учителей не хватало, ему приходилось вести уроки хакасского языка в старших классах.
Работая в Верх-Аскизе, молодой учитель часто ездил в Аскиз. Там он увидел одну прекрасную девушку. Познакомились. Это была Лидия Ивановна (в девичестве Кобежикова). После окончания Абаканского педагогического института, работала в Аскизской средней школе учителем русского языка. В 1962 году влюблённые поженились. Лидия Ивановна уехала работать в Верх-Аскизскую школу. Через год молодую семью пригласили работать в Аскизскую среднюю школу. Когда по-соседству, в селе Калинино, открылась восьмилетняя школа, молодые уехали работать в эту школу. Тут же им дали квартиру. Николай Гаврилович хотел получить высшее образование и поступил заочно в абаканский пединститут на хакасское отделение филологического факультета, который окончил в 1972 году.
В работе у семьи всё шло отлично. Николай Гаврилович работал завучем в Калининской восьмилетней школе. В свободное время по вопросам школы писал статьи в газету «Ленин чолы».
Однажды в Аскиз приехал редактор газеты «Ленин чолы» Георгий Владимирович Сунчугашев. Он пригласил Николая Гавриловича работать в газету, но все были против: и школа и районо. Этот вопрос решался сначала в Аскизском райкоме КПСС, затем в обкоме партии. Но когда Николай Гаврилович выразил желание работать в газете, вопрос решился положительно.
Так с 1974 года Николай Гаврилович Ахпашев стал работать корреспондентом по сельскому хозяйству в редакции газеты «Ленин чолы». В то время отдел возглавлял Фадей Яковлевич Иптышев. Во время советской власти вопрос с квартирой для специалистов решался быстро. И тут дело пошло быстро, проработав 4,5 года, получил четырёхкомнатную квартиру. Тогда Николай Гаврилович перевёз семью в Абакан. Лидия Ивановна устроилась на работу в Институт повышения квалификации.
— Работая в редакции, много приходилось ездить — вспоминает Николай Гаврилович. — Всю Хакасию объездил. В то время корреспондентов сильно уважали. Придя в райком партии, в районе всегда давали транспорт. Нас всегда приветливо встречал директор совхоза «Борец» Ширинского района Герой Социалистического Труда Карл Генрихович Шмидт. Привозил нас на планёрку в контору совхоза. Затем кормил. Садил на транспорт: возил к чабанам, к механизаторам. Также всегда тепло встречали и в Орджоникидзевском районе. Ездили по сёлам Марьясово (Майрас), Конгарово (Хозаннар). Деревенские старушки жаловались: раньше даже когда клубов не было, приезжали артисты драмтеатра, а сейчас есть клуб, а артисты не приезжают…
Николай Гаврилович и Лидия Ивановна вырастили двух сыновей. Старший Александр, окончив Красноярский медицинский институт, работал стоматологом в Абакане. Дочери Ире 16 лет, она заканчивает среднюю школу.
Младший Игорь, успешно окончив Абаканскую среднюю школу № 1, поступил учиться в Ульяновское танковое училище. Но молодому парню не пришлось его окончить.
— Когда Игорь учился в Ульяновске, наши войска выводили из Афганистана, — вспоминает Николай Гаврилович. — Курсантов, которые учились в училище, отпустили, вместо них отправили тех, кто вернулся из Афганистана. Игорь поступил в Самарский политехнический институт на факультет машиностроения.
Но Игорь с детства мечтал стать военным. Окончив первый курс института, он вновь поступает в военное училище — Казанское высшее танковое командное Краснознамённое училище. В 1992 году Игорь окончил училище с красным дипломом. Начал службу в Кемеровской области возле города Юрга. В декабре 1994 года отправили в Чечню.
13 января 1995 года в городе Грозный, защищая друзей, гвардии старший лейтенант Игорь Ахпашев, отдал свою жизнь. В его танк попал снаряд. Указом Президента России 15 мая 1995 года Игорь Ахпашев удостоился звания Героя Российской Федерации. Несмотря на большую потерю, Николай Гаврилович принимал участие в жизни республики, учил патриотизму подрастающее поколение.
Николай Султреков,
перевела на русский язык Э. Торокова
Из книги: «90 чыл чоннаң хада = 90 лет вместе с народом». — Абакан, 2017.
Хакасияда Николай Гаврилович Ахпашевтi таныбаан кiзi чох полар. Ол — «Ленин чолы», «Хакас чирi», «Хабар» газеталарның редакциязында 30 чыл артиинаң тоғын салған хабарҷы. Паза пiснең хада тоғынған улуғ арғызыбысты Россияның Матыры Игорь Ахпашевтiң пабазы чiли пiлҷеңнер. Николай Гаврилович — Хакас Республика культуразының саблығ тоғынҷызы, «За заслуги перед Отечеством» III степеньнiг орденнiң медальынаң, «Iстенiс ветераны» медальнаң, кöп аймах Аарластығ пiчiктернең сыйыхтатхан.
Пöлiк устағҷызы полған улуғ арғызыбыс Николай Гаврилович нымзах чӱректiг, пазымнығ хылыхтығ, алғым кöpicтiг, хормачы кöңнiлiг кiзi полчатханын таныстары чахсы пiлҷеңнер. Сыбыра ачых-чарых кiзiнiң сырайына кöлеткi тӱскенге тööй полыбысхан, хада тоғынчатхан арғызыбыс махачы хылыхтығ кiчiг оолғын Чечен чирiнде чiдiр салғанда. Аның харахтары даа мӧңiс кöpicтiг полыбысханнар. Андағ чiдiрiгнi чуртаста пip дее нименең толдыр полбассың. Че чуртас ағыны турбинча, узарапча.
Хайди чоохтапча Николай Гаврилович, ол 1938 чылда 2 февральда Асхыс аймаандағы Палғаннар аалында тöреен.
Николайның пабазы Гаврил Евграфович, Илбек Ада чааға парып, аар палығладып айланған. Ол 1942 чылда ӱреен. Iҷезi Екатерина Константиновна (Кулемеевтер хызы) 1998 чылда 85 частығда ах чарыхтаң парыбысхан.
Аның туңмазы Владимир Ильич Ахпашевтi iдок прай чон чахсы пiлче. Ол Асхыстағы райисполком кнезi, анаң Асхыс аймааның пазы полып тоғынған. Амды тынағда. Оларның хыс туңмазы Надежда Алтай аймаандағы Кöк хайа аалда имҷi полча. Иң кiчии Александр, тынаға сыххан даа полза, Казановкадағы музейде icтeн парча.
Оларға Казановказар кöзерге килiскен. Андағы читi класстығ школаны тоосханда, Николай Ағбанзар чол тутхан. Ол чылларда читi класс соонда педучилищезер ӱгренерге алҷаңнар. Чиит оол ӱзiнҷi курста ипти ле ӱгрен парчатханда, ағаа военкоматтаң повестка ағыл пиргеннер. Паза ла сизiнзе, службаа парар туc чидiбöк килтiр. Iди чиит оол, читiре дее ӱгренмин, 1957 чылда армияа чöрiбiскен.
— Службаны Приморскай крайдағы Чугуевка аалда ирткем, — чоохтапча Николай Гаврилович. — Ол улуғ аал, район кiнi полған. Анда писатель Александр Фадеев тöрiптiр, öстip, аалда аның музейi пар. Мин 154-ҷi Порт-Артурскай истребительлер дивизиязында 139-ҷы Уральскай связь ротазында УКВ радиостанцияның радизi полғам. Дивизияда ӱс полк полған, iкiзi Чугуевкада турған, ӱзiнӌiзi — Арсеньев городта.
1960 чылда чиит оол, армиядаң айланып, Ағбандағы ӱгретчiлер училищезiнiң З-ҷi курзында пазох ӱгредиин узаратча. Чиит специалисттi Чоғархы Асхыстағы читi класстығ школазар тоғынарға ысханнар. Ағаа пасталығ класстарны пиргеннер. Че школада ӱгретчiлер чидiспинчеткеннеңер, ағаа улуғ класстарда хакас тiлiн апарарға килiскен.
Чоғархы Асхыста тоғынчатханда, чиит ӱгретчi Асхыссар удаа чöрҷең. Анда ол пip абахай хысты кöр салған. Танызып алғаннар. Лидия Ивановна Кобежикова полтыр. Ол, Ағбандағы ӱгретчiлep институдын тоозып, Асхыстағы ортымах школада орыс тiлi ӱгретчiзi полып тоғынчатханын пiлiп алған. Кööленiсчеткен чииттер 1962 чылда хоных хон салғаннар. Лидия Ивановна Чоғархы Асхыс аалдағы школазар тоғынарға килiбiскен.
Пip чыл пазынаң чиит cöбipeнi Асхыстағы ортымах школа-зар тоғынарға хығырчалар. Анда ипти ле тоғын парчатханнарында, хости Калинин аалда сигiс класстығ наа школа азылған. Ахпашев ирепчi андар тоғынарға парыбысхан. Чииттерге сах андох алынҷа квартира пиргеннер. Николай Гаврилович, пöзiк ӱгредiг аларға сағыс тудып, Ағбандағы ӱгретчiлер институдынзар филология факультедiнiң хакас пöлиинзер заочно ӱгренерге кipiбicкeн. 1972 чылда ол пöзiк ӱгредiглiг специалист полыбысхан.
Ахпашев ирепчiнiң тоғыста прай ниме чахсы парчатхан. Николай Гаврилович Калининдегi сигiс чыллығ школаның завучы полыбысхан. Пос туста ол газетаа ӱгредiг киреенеңер, школаларның хай пipee ағырсымнығ сурығларынаңар материаллар пазыбысчатхан. Iди «Ленин чолында» аның статьялары удаа сығып пастааннар.
Пiрсiнде Асхыссар «Ленин чолы» газетаның редакторы Георгий Владимирович Сунчугашев чиде тӱскен. Ол Николай Гавриловичтi газетада тоғынарға хығырған, че школаның даа паза райОНО-ның устаа даа андағ киректең кизе-тоғыр полы-бысхан. Пу сурығ пастап КПСС-тың Асхыстағы райкомында, анаң партия обкомында ӱзӱрiлген. Хаҷан Николай Гаврилович газетада тоғынарға парар кöңнiн кöзiткенде ле, сöö тартылчатхан сурығ килiстiре пöгiл парған.
Iди 1974 чылдаң Николай Гаврилович Ахпашев «Ленин чолында» тоғын сыххан. Аны редакцияда аал хонии пöлиинiң хабарҷызы поларға турғыс салғаннар. Ол туста аал хонии пöлиинең Фадей Яковлевич Иптышев устапчатхан. Совет ӱлгӱзi тузында специалисттерге квартира пирер сурығ табырах пöгiлҷең. Мында даа кирек iди парған, ол тоғынып, чарым чылҷа ла ирткенде, ағаа тöрт комнаталығ квартира пиргеннер. Андада Николай Гаврилович cöбipeзiн Ағбанзар кöзip килген. Пай пiлiстiг.
Лидия Ивановнаны Хакасиядағы ӱгретчiлер узын кöдiрҷең ин-ститутсар тоғысха алып алғаннар.
— Редакцияда тоғынчатханда, аар-пеер кöп чöрерге килiсчең, — сағысха кирче Николай Гаврилович. — Хакасияның прай даа пулуңнарынҷа чöр салғам. Ол туста газета хабарҷыларын улуғлаҷаңнар. Аннаңар, партия райкомынзар килзең, аймахта хайдар даа пар килерге транспорт пирҷеңнер. Iди пicтi сыбыра чалахай удурлаҷаң Шира аймаандағы «Борец» совхозтың директоры, Социализм Iстенiзiнiң Матыры Карл Ген-рихович Шмидт. Пicтi, совхоз конторазынзар ағылып, планеркада одыртчаң. Анаң азырабысчаң, транспортха одыртып, чазыда тоғынчатхан чабаннарзар, хыраларда iтенчеткен механизаторларзар ал чöрҷең. Iдöк Орджоникидзе аймаанда сыбыра чылығ удурлаҷаңнар. Майрастар, Хозаннар аалларҷа чöрҷеңмiс. Аалларда чуртапчатхан инейлер пiске хоптанҷаңнар: мының алнында, аалда клуб таа чох полғанда, драма театрының артисттерi, килiп, ойыннарны аңмарларда даа кöзiтҷеңнер, амды, клуб пар даа полза, артисттер килбинчелер...
Николай Гавриловичнең Лидия Ивановна iкi оол öcкip салғаннар. Улии Александр, Хызылчардағы имҷiлер институдын тоозып, Ағбанда тic имҷiзi полча. Аның Ира хызыҷаана 16 час, ол ортымах школаны тоозар тусха чит парған.
Кiчии Игорь, Ағбандағы 1 № ортымах школаны маңнаныстығ тоозып, Ульяновсктағы танковай училищезер ӱгренерге кipiп алған. Че чиит оолға аны тоозарға килiспин парған.
— Игорь Ульяновскта ӱгренчеткенде, пiстiң войсколарны Афганистаннаң сығарчатханнар, — сағысха кирче Николай Гав-рилович. — Училищеде ӱгренчеткен курсанттарны позыдыбыс-ханнар, оларның орнына Афганистаннаң айланған чааҷыларны кир салғаннар. Игорь Самарадағы политехническай институттың машиностроение факультедiнзер ӱгренерге кipiбicкeн.
Че ноға-да Игорь кiчiгдең сығара чааҷы поларға кӱстенген. Институттың пастағы курзын тоозып, ол пазох чааҷылар училищезiнзер ӱгренерге кiрче — Казаньдағы пöзiк команднай танковай училищезер. 1992 чылда Игорь Ахпашев ол yчилищeнi хызыл дипломнығ тоосча. Службаны Кемеров облазындағы Юрга городтың хыринда пастаан. 1994 чылда декабрьда аны Чечнязар ысханнар.
1995 чылда 13 январьда, Грозный городтың ортызында чааласчадып, арғыстарын арачылап, гвардияның улуғ лейтенанты Игорь Ахпашев чиит чуртазын пир салған. Аның танкына снаряд тееп парған. 1995 чылда 15 майда Россия президентiнiң Указынаң Игорь Ахпашевке «Россияның Матыры» аарластығ ат пирiлген.
Хайдағ даа сидiктер полза, чир ӱстӱндегi чуртас ағыны ӱр нимеске дее тохтабинча, узарап ла одырча. Хада тоғынчатхан улуғ арғызыбыс, мындағ аар чiдiрiге саптырбин, прай чобағны позының iстiнде пазынып, халых чон иртiрчеткен аймах меро-приятиелерде араласчаң. Ӧсчеткен чиит тöлнi патриотизмге ӱгpедiп, Николай Гавриловичтiң туза ағыларға харасчатханы махтағлығ полған.
Николай Султреков
Из книги: «90 чыл чоннаң хада = 90 лет вместе с народом». — Абакан, 2017.
Ахпашев Николай Гаврилович : [некролог] / Союз журналистов Хакасии // Хакасия. — 2014. — 18 нояб. — C. 7.
* * *
Султреков, Н. Хабарӌы тоғызы кӧңнiне кiрген / Николай Султреков // Хабар. — 2013. — 5 февр. (№ 13). — C. 5.
К 75-летию Н. Г. Ахпашева, ветерана труда, корреспондента газеты «Хабар», заслуженного работника культуры Республики Хакасия.
Султреков, Н. Хабарҷы тоғызы кöңнiне кiрген / Николай Султреков // 90 чыл чоннаң хада = 90 лет вместе с народом : о газете «Хабар» : сборник очерков: история становления, воспоминания и персоналии / Хакас республиканың правительствозы, Хакас республиканың ӧӧркi чӧбi, «Хабар» газетаның редакциязы ; автор-составитель А. Е. Султреков. — Абакан, 2017. — С. 193—197 : портр.
